ပြောင်းလဲနေပြီမွေးဌာနီ

ပြောင်းလဲနေပြီ မွေးဌာနီ

ဒီလိုခေါင်းစဉ်တပ်လိုက်လို့ သိပ်တော့အတွေးမလွန်လိုက်ကြပါနဲ့။ ကျွန်တော်ဒီတစ်ခေါက် ကိုယ်မြို့လေးကိုပြန်လိုက်တာ အတွေးတွေပါလာတယ်။ စိတ်ထဲမှာဘ၀င်မကျမှုတွေဖြစ်နေတယ်။ ဘာကြောင့်လဲမသိ။ ဘယ်သူ့အတွက်လည်း အဖြေရှာမရ။ သေချာတွေကြည့်တော့ ကျွန်တော်က ကိုယ်မြို့၊ ကိုယ့်ရပ်ကွက်၊ ကိုယ်ပတ်ဝန်းကျင် အနေအထားလေးတွေကို လွမ်းမောနှမြောမိလို့ပါ။ အတ္တဆန်တယ်ပြောရင်လည်းခံယူပါတယ်။ နောက်ပြန်ဆွဲတယ်ဆိုရင်လည်း ကျေနပ်တယ်။ အဆိုးမြင်ဝါဒီပြောလည်းရတယ်။ ဘယ်လိုကောက်ချက် ချချ သင့်အတွေးဟာ သင့်အတွက်မှန်ပါလိမ့်မည်။

• ၁။ဘောလုံးကွင်းလေး

ကျွန်တော်တို့ငယ်ငယ်က ဂိုးတိုင်တွေနဲ့ဘောလုံးကွင်း(အသေး)ဆိုတာရှိခဲ့တယ်။ အခုတော့ ကျောက်တိုင်ကွင်းဆိုရမလား။ တာဝတိံသာကပန်းခြံကြီးဘဲဆိုရမလား။ ယာယီဈေး(ဈေးကြီးမီးခတုန်းက)ဆိုရမလား။ မခေါ်တတ်တော့။ ကျွန်တော်ငယ်ငယ်က အဲဒီနေရာဟာ မြင်းခွာသံရိုက်ရာ၊ မြင်းမွှေးရိတ်ရာ ကုန်းစောင်းလေးနဲ့ပါ။ အထကကျောင်းကြီးနဲ့ မြို့ရှေ့ကျောင်းက ကျောင်းသားအားလုံးဟာ နေ့စဉ် အဲဒီကွင်းကြီးကိုဖြတ်သန်းကြရတယ်။ ဘောလုံးကန်ကြ။ ထွေပစ်ကြနဲ့။ စွန်လွှတ်ချိန်ဆိုရင် ရစ်ဘီးလုံးကိုယ်စီနဲ့ကွင်ထဲမှာ ကလေး၊ လူကြီး၊ ကိုရင် အစုံဘဲ။ စွန်လိုက်တဲ့သူတွေကလည်း မြောက်ဘက်တောထဲမှာစောင့်နေကြတယ်။ စည်ရိုးမရှိ၊ ကျင်းချိုင့်မရှိ သိပ်ပျော်ရတယ်။ လွတ်လပ်ရေးနေ့၊ ပြည်ထောင်စုနေ့တို့ဆိုရင် ဈေးဆိုင်တွေ၊ အားကစားပြိုင်ပွဲတွေနဲ့။ အဲဒီကွင်းထဲမှာ ပျော်စရာ။ အဲဒီတုန်းက မုန့်စားပြိုင်ပွဲဆိုရင် သိပ်ကြိုက်တာပေါ့။ ကွင်းထဲကိုတစ်နေ့တစ်ခေါက်လောက်တော့ ရောက်ကြတယ်။ ကျယ်ပြန့်တယ်။ လွတ်လပ်တယ်။ သန့်ရှင်တယ်။ ဘေးမှာ ထနောင်း၊ ဆူးဖြူနဲ့ တမာပင်ရိပ်တွေရှိတယ်။ တကယ့်ကစားကွင်းအစစ်။

အခုတော့ ကျွန်တော့်ညီငယ်၊ ညီမငယ်လေးများကို သနားမိတယ်။ သူတို့တွေကဘဲ ကိုယ့်လောက်မပျော်တတ်ကြတော့တာလား။ အဲဒီနေရာကိုဘဲ အများဆိုင်နေရာလို့ မတွေးကြတော့တာလား။ ဒါမှမဟုတ် ကစားခွင့်မရှိတာလား။ မြက်၊ခြုံတွေပေါနေလို့လား။ ဘာကြောင့်မသိ။ ကျွန်တော်မြင်လိုက်ရတာကတော့ ကျွန်တော့်ဘောလုံးကွင်းလေး အိပ်ပျော်နေပြီ။ လူသူကင်းမဲ့နေပြီ။ ကြည့်ရတာဆွဲဆောင်မှုမဲ့နေပြီ။ ကျွန်တော်ကိုယ်တိုင် မ၀င်ဖြစ်တော့။ ဒါဟာလည်းအပြောင်းလဲများထဲက ပြောင်းလဲခြင်းပါဘဲ။ တိုးတတ်တာလား…? ခေတ်မီတာလား…? မဝေခွဲတတ်တော့။

(ဗေဒါကွင်းဆိုတာလည်း ရှိခဲ့ဘူးတယ်။ အခုဘူတာကြီးနားမှာ။ သူလည်းအရင်လိုမဟုတ်တော့..အတူတူပါဘဲ)

• ၂။ ကျွန်တော့အိမ်နားက ကစားကွင်း

အရင်က အမှတ်(၅)ဓမ္မာရုံဆိုတာ- အမှတ်(၅) တစ်ရပ်ကွက်လုံးရဲ့ သားပျောက်/သမီးပျောက်ရှာတဲ့နေရာဆိုရင် လွန်မယ်မထင်ဘူး။ ဘယ်အိမ်ကဖြစ်ဖြစ် ကလေးလိုက်ရှာရင် အဲဒီကွင်းလေးဟာ ထိပ်ဆုံးကဘဲ။ နေ့မှာဆို မောင်ရင်လေးမျာရဲ့စားကျက်ပေါ့။ ဂျင်ပေါက်တဲ့ဝိုင်း၊ တိုက်အိမ်ခေါ်တဲ့ ဒိုးပစ်ဝိုင်း၊ သံလျှပ်ခေါ်တဲ့ သားရေကွင်းပစ်တဲ့ဝိုင်း၊ ထွေပေါက်ရာဝိုင်း၊ ဂျီလှိမ့်ရာဝိုင်း၊ ခေါင်းပန်းလှန်ရာနေရာ၊ နပန်းလုံးရာ ..အစုံပါဘဲ။

ညဘက်ဆိုရင် မယ်တို့ရဲ့ စိန်ပြေးတန်း၊ တွတ်ထိုးတန်း(ရီထိုးတန်း)၊ ဖန်ခုန်ရာ၊ ကြိုးခုန်ရာ…။ အမြဲတန်း အသံပေါင်းစုံနဲ့ ပျော်စရာကစားကွင်းလေးပါ။ အရှေ့ဘက်က အဆောက်အဦးကလည်း(ဆယ်စုနှစ်များစွာ) အကာမပါ။ လေ၀င်လေထွက်ပြောစရာမလို။ ကျောင်းပိတ်ရက်ဆိုရင် အဲဒီဇရပ်ကြီးက ကျွန်တော်တို့ရဲ့ဂေဟာ။ ဒီနေရာလေးကြောင့်ဘဲ တစ်ရပ်ကွက်လုံး တစ်ဦးနဲ့တစ်ဦး ညီကိုရင်းပမာ မသိမရှိ။ လူစုံသိသည်။ ကျွန်တော်တို့တစ်တွေ ပျော်ခဲ့ကြသည်။ ချစ်ခင်ကြသည်။ ဆောင်းတွင်းဆိုရင် စောစောအိပ်လို့စောစောထလို့ ဆိုတဲ့သီချင်းနဲ့ ကွင်းကြီးထဲမှာ ပဲစင်းငုံရိုးတွေနဲ့ မီလှုံကြ။ လူစုကြ။ အရင်တုန်းက သ/မဆိုင်တို့၊ ဗီဒီယိုရုံတို့ အဲဒီမှာရှိခဲ့တာ။ စည်ကားခဲ့တာ မပြောလိုတော့။

အခုတော့ ကျွန်တော့်ညီငယ်၊ ညီမငယ်လေးများကို သနားမိတယ်။ သူတို့တွေကဘဲ ကိုယ့်လောက်မပျော်တတ်ကြတော့တာလား။ ကစားနည်းတွေကွယ်ပျောက်ကုန်တာလား။ ကွင်းလေးကတော့ မရှိတော့။ ဇရပ်ကြီးကလည်း အကာအရံတွေနဲ့ မင်းတို့နဲ့မဆိုင်တော့။ မင်းတို့ဘယ်သွားနေကြလဲ။ မင်းတို့မိဘတွေ ဘယ်လိုက်ရှာနေရပြီလဲ။ ငါမသိ။ ရပ်ကွက်ဓမ္မာရုံကြီးရဲ့ ထည်ဝါ၀ံ့ကြွားလာမှုကိုတော့ သာသနာရှုဒေါင့်ကကြည့်ရင် လှူသူ၊ တန်းသူ၊ ဆောင်ရွက်စီမံသူကို လေးစားသာဓုခေါ်မိပါရဲ့။

ဒါပေမဲ့ ကျွန်တော့်ရဲ့ကစားကွင်းကလေးမရှိရှာတော့ဘူး။ တိတ်ဆိတ်သွားပြီ။ ညီလေး/ညီမလေးများရဲ့ ရင်းနှီးချစ်ခင်မှုတွေ၊ စုပေါင်းသင်းဖွဲ့မှုတွေ၊ မြူးတူးပျော်ရွှင်မှုတွေ….ဘယ်လိုအစားထိုးသလဲ။ မင်းတို့ရပ်ကွက်ထဲက ဘယ်သူ့ကိုသိသလားမေးလိုက်ရင်..။ မဖြေနိုင်ကြတော့။ ကိုယ်ရပ်ကွက်မှမဟုတ်ဘူး။ အမှတ်(၂)ဓမ္မာရုံကွင်းလည်းကြည့်။ သူလည်းတိတ်ဆိတ်နေပြီ။ ဘာ့ကြောင့်များလည်း..? တိုးတတ်လာတာလား…? ခေတ်မီတာလား?

• ၃။အ.ထ.ကရဲ့ကျောင်းဆောက်ပုံ

ကျွန်တော်ဟာ ကျွန်တော့်ကျောင်းကို အမြဲတန်ဖိုးထား ကျေးဇူးတင်မိတယ်။ ကျွန်တော်တို့ဘ၀ရဲ့အချိန်များစွာ အဲဒီကျောင်းကြီးထဲမှာ မြှုတ်နှံခဲ့ကြဘူးတယ်။ ကျွန်တော်တို့တွေရဲ့အိမ်မက်ကောက်ကြောင်းတွေကို အဲဒီမှာပုံဖော်ထုဆစ်ခဲ့ရတယ်။ ဘယ်တော့မှမမေ့ဘူး။ သိပ်ပျော်ခဲ့ရပါတယ်။

ကျွန်တော်တို့ငယ်ငယ်က ပင်မကျောင်းကြီးတစ်ခုတည်းနဲ့ ထရံကာဆောင်သုံးလေးဆောင်လောက်ရှိတယ်။ ပင်မကျောင်းကြီးဆောက်ထားပုံကလည်း ခေတ်မှီတယ်။ ပုံစံကိုက ပညာရောသင်္ကေတ E ပုံသဏ္ဍာန်ဆောက်ထားတာ။ နေရာကလည်း သင့်တင့်တယ်။ ရှေ့ နောက်ကျယ်ပြောတယ်။ ကျောင်းဝင်းထဲမှာအခု ခန်းမဆောင်နေရာနဲ့ နှစ်ထပ်ဆောင်ဝန်းကျင်လောက်မှာ အရင်က စိန်ပန်း၊ ထနောင်းပင်၊ မန်းကျည်းပင်တွေ အများကြီးနဲ့ အရိပ်သိပ်ကောင်းတယ်။ မူလတန်းဆောင်က အဲဒီနားမှာ။ ကလေးတွေအတွက်ကောင်းတယ်။ အရိပ်ရှိတယ်။ ကစားဖို့လျှောစင်ရှိတယ်။ အနောက်ဘက်စည်ရိုးခြေနားမှာ မုန့်ဆိုင်တန်းရှိတယ်။ ပင်မကျောင်းရဲ့အရှေ့ဘက်မှာ တောင်လှည့် တစ်ဆောင်နဲ့၊ အနောက်လှည့် နှစ်ဆောင်တွဲ ထရံဆောင်တွေရှိတယ်။ သင်ယူခြင်းဆိုတဲ့သဘော L ပုံစံ။ အဲဒါက အလယ်တန်းအတွက်။ ရှေ့မှာဆိုရင် ဘောလုံးကွင်းအကျယ်ကြီးရှိတယ်။ ဘက်စကတ်ဘောကွင်း၊ ဘော်လီဘောကွင်း စသဖြင့် ကျောင်းအဂါင်္ရပ်တွေအပြည့်ပေါ့။ မုန့်စားဆင်းချိန်၊ ကျောင်းမတတ်ခင်အချိန်တွေမှာ ကွင်းပြည့်၊ နေရာပြည့်။ ပျော်စရာသိပ်ကောင်းလှတယ်။ တကယ့်ကိုကျောင်းနေပျော်ခဲ့ကြရပါတယ်။

အခုတော့ ကျောင်းနားကဖြတ်အသွား မနေနိုင်လို့ကျောင်းဝင်းကြီးထဲကိုလှမ်းကြည့်မိတယ်။ ကျောင်းသားဦးရေ အလွန်များလာလို့မျာလားမသိ။ ရန်ပုံငွေ/ ပညာရေးအသုံစရိတ်တွေ ပေါလို့များလားမသိ။ ဆောက်ထားလိုက်တာများ ကိုးလို့တွေရော၊ ကန့်လန့်တွေရော။ ဘာပုံစံဖော်ထားသည်မသိ။ ငယ်ငယ်က မန်ကျည်းပင်တို့ နတ္ထိ။ ဘော်လီဘောကွင်း/ ဘက်စကတ်ဘောကွင်းမရှိ။ ဘောလုံးကန်စရာက နေရာခပ်ကျဉ်းကျဉ်း။ ကျောင်းနားချိန်ကြည့်လိုက်တော့ ကလေးတွေက အရင်တုန်းကလို လွတ်လပ်ပြေးလွှားနေသူတွေခပ်ပါးပါး။ မုန့်ဈေးတန်းကဘယ်နားမှန်းမသိ။ ရေတမာပင်အောက်တွေ၊ ရေတမာသီးတွေ ဘယ်ရောက်ကုန်သည်မသိ။ သနားပါဘိ။

အခုတော့ ကျွန်တော့်ညီငယ်၊ ညီမငယ်လေးများကို သနားမိတယ်။ သူတို့တွေကဘဲ ကိုယ့်လောက်မပျော်တတ်ကြတော့တာလား။ ကျောင်းကြီးကဘဲကျဉ်းသွားတာလား။ အပင်ကြီးတွေမရှိကြတော့လိုလား။ ကစားကွင်းလုပ်မပေးထားလို့လား။ ဘာကြောင့်မသိ။ ကြည့်ရတာစိတ်မွန်းပါဘိ။ တိုးတတ်နေတာလား? ခေတ်မှီလာတာလား..?

• ၄။ စည်ကားနေပြီ

အရင်နွားထိုးမြို့အရှေ့အဆုံးက စက်မှုလယ်ယာ။ ထွန်စက်စခန်း။ သူ့အရှေ့မှာ ဇရပ်တစ်ဆောင်ကလွဲပြီးဘာမှမရှိ။ လမ်းဘေးဝဲယာမှာ နှမ်း၊ မြေပဲ၊ ပဲစင်းငုံ၊ ၀ါ စသဖြင့် ရာသီအလိုက် ယာစိုက်ခင်းတွေနဲ့။ ရှုတိုင်းသာလှသည်။

အခုတော့ ကျွန်တော်ရောက်ခဲ့သည်။ တောင်သူတွေလည်းနည်းလာပြီ။ နွားဆိုလိုလည်း မြို့နယ်မည်သာသာကျန်တော့သည်။ မြို့ဧရိယာကျယ်ပြောလာသလား။ ယာမြေတွေကိုဘဲ လူနေရပ်ကွက်ပြောင်းလိုက်သလား မသိ။ အမှတ်(၉)ရပ်ကွက်လား? ဘာလားမပြေတတ်။

ကြိုဆိုပါ၏ ဆိုင်းဘုတ်ကိုတောင်ကျော်နေပြီ။ ဘယ်သူတွေလဲ။ ဘာတွေလုပ်သလဲ။ စက်မှုကွက်သစ်လား။ ရုံးသစ်စိုက်ရာလား။ မဟုတ်။ အရက်ဆိုင်၊ ဘီယာဆိုင်၊ စက်သုံးဆီဆိုင်(ပန့်ဆိုင်မဟုတ်)တို့ နေရာယူလာသည်။

မြို့ကြီး စည်ကားတိုတတ်လာသည်ဟု ဆိုရမလားဘဲ။ ညဆို(၁၀း၀၀)နာရီလောက်ထိ လူမပြတ်။ ယမကာသောက်စား ပျော်ပါးနေကြသည်။ နောက်ထပ်ဘာတွေရောက်လာဦးမလဲ။ အကျင့်စာရိတ္တ ပျက်ပြားစေမဲ့ ဘယ်လုပ်ငန်းတွေ၊ ဘယ်လိုလူမျိုးတွေ နေရာယူလာမလဲ။ မောင်မောင်ကာလသားတို့ကလည်း အခုတောင် မြင်းခြံအထိသွားပြီး ညညကဲနေကြပြီလို့ သိရတယ်။ ဘယ်အချိန် ဒီမြို့၊ ဒီနေရာကိုရောက်လာတော့မလဲ။ ဆီးကြိုရမလား။ ခွင့်ပြုရမလား။ လက်ခံရမလား။ ဒီနေရာမှမဟုတ် တစ်မြို့လုံးအတိုင်းအတာနဲ့ စဉ်းစာထားရတောမည်။ ဒါဟာတိုးတတ်တာလား? ခေတ်မီတာလား။

• ၅။ ထိန်းသိမ်းကြရမည်

တစ်မြို့လုံးမှာ ဘာသာလူမျိုးကွဲ မရှိလို့ ကျေးဇူတင်ပါသည်။ ဒါကို ဆက်လက်ထိန်းသိမ်းကြရမည်။ မြို့နယ်အတွင်းက အချို့ရွာမြေတွေကို လိုက်လံဝယ်နေကြပြီ။ ထိပါးလာကြပြီ။ ဦးပိုင်မြေတော်တော်ဆုံးရှုံးနေပြီ။ ဘယ်သူတွေက ရောင်းတာလဲ၊ ဘယ်လူမျိုးက ပွဲစားလဲ၊ ဘယ်သူကခွင့်ပြုပေးတာလဲ။ ၀ယ်တဲ့သူတွေက ဘယ်အတွက်လဲ၊ ဘာလူမျိုးလဲ။ ကျွန်တော်တို့ဆီက ဘာယူသွားမလဲ။ စဉ်းစားရမည်။ သတိရှိရမည်။ မိမိတို့အမျိုးသားများ အစဉ်အဆက် ပိုင်ဆိုင်လုပ်ကိုင်ခဲ့တဲ့မြေတွေ၊ ယာတွေကို သူ့ကျွန်ဘ၀ကတောင် မဆုံးရှုံးခဲရဘူး။ မိမိလက်ထက်မှမဆုံးရှုံး၊ မဆုတ်ယုတ်စေချင်။ အမျိုးယုတ်မဖြစ်အောင်သတိချပ်သင့်ပြီ။

ကျွန်တော်တို့နယ်တခွင်မှာ လမ်းပန်းဆက်သွယ်ရေးကောင်းမွန်လာမှု၊ နို့ထွက်ထုတ်ကုန်လုပ်ငန်းများ၊ မွေးမြူရေးလုပ်ငန်း၊ ၀ါထွက်ပစ္စည်လုပ်ငန်းများ စသဖြင့် အကောင်အထည်စတင်ဖော်မည့်စီမံကိန်းများ၊ အခြားသော သဘာဝသယံဇာတ၊ မြေဆီမြေသြဇာကောင်းမွန်မှုတွေဟာ သူတို့ကိုလက်ယက်ခေါ်နေပြီ။ သူတို့နဲ့အတူ ရှေ့ပြေးများဝင်ရောက်နေရာယူကုန်ပြီ။ လောလောဆယ်တော့ နယ်ခံတွေ အလုပ်အကိုင် အခွင့်အလမ်းဘာမျှမရသေး။ ဗလီတွေ၊ ဘုံကျောင်းတွေ မရောက်လာအောင်တော့ ကာကွယ်ကြရမည်။ ဒါဟာပြောင်းလဲခြင်း၊ တိုးတတ်ခြင်းရဲ့ပြယုတ်လား။ ခေတ်မီလာတာလား? ခေါင်းမူးလာပြီ။
 ဆက်လက်ဖော်ပြလိုပါသေးသည်။ အခုတော့နားပါဦးမည်။

*ဆရာဘုန်းနိုင်အမြဲရေးသလို- စာဖက်သူအပေါ် ခေါင်းကိုကျော်၍ ငါသော်လူမော်မလုပ်ပါ။ ငါ့စာဖတ်၍ မမြတ်တိုင်စေ မရှုံးစေသား ဆိုသလို ကောင်းစေလိုသောစေတနာ သက်သက်ဖြင့်သာ ကျွန်တော့်စိတ်တခါးကို ကိုယ်တိုင်ဖွင့်ချလိုက်ခြင်းဖြစ်ပါသည်။ အနှောင့်အသွားမကင်းခဲ့ပါလျှင်လည်း လွန်တာရှိရင် ၀န္ဒာမိပါလို့ တောင်းပန်လိုက်ပါရစေတော့…မိတ်ဆွေအပေါင်းခင်ဗျား။